Sukaldaritza liburua/Errezetak/Pantxineta
PANTXINETA
MAHAIKIDEAK: 6-8.
OSAGAIAK
[aldatu]- Ohiko hostorea: 800 g.
- Irina: 100 g. hostorea zabaltzeko.
- Pastel krema: 1 l.
- Arrautza: 1 pastela margotzeko.
- Arbendola: 200 g., xerratua edo pinportetan.
- Azukrea: 50 g.
PRESTAKETA
[aldatu]- Arrabola eta irin apur baten laguntzaz hostorearen erdia luzatu.
- Hostoreak tartaren moldearen oinarria gainditutakoan, puntazorrotza eta moldea erabiliz hostorea moztu.
- Labeko erretilua paperarekin estali eta gainean hostore oinarria jarri. Sardexka batekin zulatu pitin bat gehiegi altxa ez dadin.
- Arrautza bat irabiatu eta brotxa baten laguntzaz kanpoaldea margotu.
- Oinarri honetan zabaldu koilara batekin pastel krema, hostorearen izkinetara iritsi gabe.
- Luzatu beste hostore erdia eta moztu moldearen forman, kasu honetan aurreko baina pitin handiagoa eta estali opila. Sardexka baten puntaren laguntzaz bi oreak zapalduz elkartu.
- Pastela arrautza irabiatuarekin margotu eta labera sartu 170ºC-tan, 15 minutuz.
- Labetik atera eta zabaldu gainean arbendola azukrearekin nahastua.
- Tarta bukatzeko, sartu labera beste 10 minutu 170ºC-inguru hostorea egosi arte.
AHOLKUAK
[aldatu]- Kasu batzuetan almendra edo honen kopuru bat opilaren kanpotik jarri beharrean barruan jartzen dute, kasu horretan arbendolak txigortu egiten dira opilean sartu aurretik
- Epela zerbitzatzen da.