Sukaldaritza liburua/Errezetak/Zerba beteak gazta saltsan

ZERBA ZURTOIN BETEAK GAZTA SALTSAN

MAHAIKIDEAK: 4.

Zerba zurtoinak urdaiazpiko eta gaztaz beteak

OSAGAIAK

• Zerbak: 16 hosto zurtoin eta guzi.
• Gatza.
• Urdaiizpiko egosia: 100 g.
• Barrako gazta: 100 g.
• Arrautza eta irina: Arrautzaztatzeko.
• Ekilore edo oliba olioa frijitzeko: 300 ml.
• Bexamel saltsa arina: 500 ml.
• Gazta urdina: 50 g. birrindua.
• Gatza.

PRESTAKETA

• Zerba zurtoinak osorik garbitu, hariak kendu, iskin itsusiak moztu eta ur hotzetan pasatu.
• Moztu zurtoinak 5 zentimetroko karratuetan.
• Jarri gatzarekin eta ur ugarirekin irakiten eta egosi zurtoinak 15 minutuz. Uretatik atera orduko hoztu.
• Zabaldu erretilu batean eta bete gazta eta urdai egosiarekin.
• Arrautzaztatu eta frijitu zartagin batean.
• Zabaldu frijitutako zurtoinak labeko erretilu batean.
• Prestatu bexamel arin bat 40 g irin, 40 g gurin eta 500 ml esnerekin, amaieran gehitu gazta eta puntuan jarri ondoren zabaldu erretiluan zurtoinak estaliz.
• Sartu labera eta gainerre.

AHOLKUAK

• Zerbaren hostoak aprobetxatzeko 5 minutuz egosi eta xukatu ondoren, eskuarekin bolak egin. Horiek arrautzaztatu eta frijitu ondoren, bexamelarekin estal daitezke.
• Nahi izatera zurtoinak osorik egos daitezke eta ondoren moztu.