Sukaldaritza liburua/Errezetak/Zerba beteak urdaiazpiko egosi eta gaztarekin

ZERBA ZURTOIN BETEAK

Zerba zurtoin beteak gazta saltsan

MAHAIKIDEAK: 4

OSAGAIAK

• Zerba zurtoinak: 8 zurtoin eder.
• Gatza.
• Urdai egosia edo gazia: 150 g. xerra finetan.
• Ondutako gazta: 150 g. xerra finetan.
• Irina eta arrautza: Arrautzaztatzeko.
• Ekilore olioa frijitzeko: 300 ml.

PRESTAKETA

• Zerben hostoa zurtoinetik banandu eta ongi garbitu.
• Zurtoinari ileak kendu eta 5 zentimetroko luzera duten zatietan moztu.
• Ur ugari gatzarekin irakiten jarri eta zurtoinak 15 minutuz egosi eta hoztu.
• Zurtoinak erretilu batean zabaldu, eta horien gainean urdaia eta gazta zabaldu.
• Beste zerba zati batekin estali, irin eta arrautzetan pasa ondoren frijitu.
• Paper xurgatzailea duen erretilu batera atera.

AHOLKUAK

• Betegai moduan hostoekin egindako bexamel bat ere erabil daiteke.
• Soberan ditugun hostoak 5 minutuz egosi, ongi xurgatu, bola batzuk egin eta arrautzaztatu ondoren frijitu ditzakegu.
• Barazki edo gazta saltsa bat erabili dezakegu hornigai moduan.