Sukaldaritza liburua/Errezetak/Txerri saiheski errea

TXERRI SAIHESKIA LABEAN

MAHAIKIDEAK: 4.

OSAGAIAK

• Txerri saiheskia: 1,5 kg.
• Oliba olio birjina: 20 ml.
• Gatza.
• Limoi zukua: 1.
• Ardo zuria : 50 ml.
• Ura: 100 ml. Labean dagoen bitartean gehiago beharko balu, gehitu.
• Baratxuria: 2 xehatu eta oliba oliotan nahasiak.
• Perrexila: Sorta txiki bat xehatua.
• Ziapea: 20 g.
• Ozpina: Zurrusta motz 1.

PRESTAKETA

• Labea 200ºC-tan piztu.
• Saiheskia gazitu eta olioz margotu.
• Labeko erretilu batean jarri eta gainetik limoi zukua, ardo zuria eta ura gehitu. Labean 20 minutuz eduki. Ez utzi lehortzen eta ura beharko balu, gehitu.
• Buelta eman eta berriro labera sartu, beste 20 minutu inguru. Azken minutuetan gehitu baratxuri xehatua.
• Labetik atera, posible bagenu, koipea kendu, ez salda.
• Bukatzeko, zartagin batean txerri saiheskiaren salda jarri, horri mostaza, ozpina eta perrexil xehatua gehituko dizkiogu. Dena ondo bateratu ondoren, saiheskiak estali.

AHOLKUAK

• Patata purea, sagar purea, barrengorri salteatuak, onddo erregosiak, onddoak plantxan izan litezke lagungarri bikainak.
• Kontu izan erretilua gehiegi lehortu ez dadin.