Sukaldaritza liburua/Gozogintza/Hostorea
|
|
Sukaldaritza Liburua
|
|
Geruza fin ugariz osatuta dagoen ore koipetsu gisa defini dezakegu hostorea. Labean egositakoan, kurruskari testura hartzen du. Irina, ura, gatza eta gurina edo margarina ditu osagai nagusiak. Prestaketa zaila eta konplexua du; horregatik, gaur egun oso toki gutxitan prestatzen da eta industrialki egin eta izoztuta erosten da.
Hostorearen prestaketa pausoak laburrean[aldatu]
Irin, ura eta gatzarekin ogi ore bat prestatzen da. Ore hau zabaldu eta erdian gurina edo margarina jartzen da. Gurin hau orearekin ongi estali beharko da, alde guztietatik ogi ore geruza berdina lortzen saiatuz. Arrabolarekin luzatu egingo dugu, orea luzatzen dugun bakoitzean, bildu egingo dugu eta berriro luzatu. Beti mahai eta inguru hotzean burutzea komeni da, gurina gehiegi bigundu ez dadin eta oretik ihes egin ez dezan.
Hostorea egosteko tenperatura eta denbora[aldatu]
Hostorea 200ºC-210ºC-tan egosiko dugu, labean 18 minutu inguru.
Hostore orearekin egiten diren gozogintzako prestaketak.[aldatu]
Palmerak: Hostorea luzatu eta azukreztatu egiten da. Jarraian, bi aldeetatik biltzen joaten da erdian elkartu arte. Estalki desberdinak jartzea badago.
Abanikoak: Hostore fin bilduari abaniko forma eman eta egosten da. Azukrea eman dezake eta estalkiak ere bai.
Hostopilak: Hostore xafla egosiak dira, eta tartean krema desberdinak jar daitezke. Tarta oinarri moduan.
Tatin tarta: Frantziako sagar tarta ezagun bat dugu. Oinarrian hostorea izaten du.
Bandak: Hostore oinarria duen pastel karratu luzea da.
Lazoak: Hostoreari tirak txirikordatu ondoren, lazo forma ematen zaio. Azukrea eman dezake edo ez.
Bolobanak edo "Vol-au-ventak": Betetzeko hostore opiltxoa dugu. Bi geruza hostore borobil moztu eta bigarrenari erdian pasta mozteko txikiagoarekin markatu egingo da. Jarri lehen geruza, labeko erretilu batean eta margotu alboak uraz edo arrautza irabiatuz. Jarri gainean bigarren borobila.
Tututxoak edo kanutoak: Hostorea zabaldu arrabolarekin, nahiko fin. Pasta mozteko gurpilarekin 2x20 zentimetro inguruko tirak moztuko ditugu. Tira hauek kanuto moldean bilduko ditugu, hau estaliz. Labera sartu eta 15 inguruz egosi. Bertatik atera eta epelean kontu handiarekin moldea kendu.