Sukaldaritza liburua/Errezetak/Marrubi tarta

MARRUBI TARTA

MAHAIKIDEAK: 8

OSAGAIAK

• Tartak egiteko oinarrizko gaileta : 300 g.
• Limoi krema edo pastel krema: 500 ml.
• Marrubiak: 500 g.
• Laranja gelatina edo Sagar gelatina: 200 ml.

PRESTAKETA

• Labea 160Cº-tan piztu. Tarta moldea gurinez eta irinez estali.
• Arrabolaren  laguntzaz, gaileta orea zabaldu eta tartaren moldea  estali.
• Sardexka baten laguntzaz gaileta orea ziztatu igo ez dadin.
• Aluminio paperarekin estali eta gainean etxean eduki ditzakegun garbantzu edo babarrun zahar batzuk jarri, pastel osoa ongi estaliz.
• Sartu labera eta egosi oinarria 15-20  minutuz.
• Labetik atera eta kendu aluminio papera eta lekaleak.
• Jarraian, krema  moldearen azpialdean zabaldu.
• Marrubiak garbitu, lehortu eta erdibitu ondoren, kremaren gainean jarri, bata bestearen segidan eta tarta osoa estaliz.
• Hozturik dugunean,  gelatina edo almibarra (likidoa baina  inoiz ez beroa) gainetik zabaldu eta hau ere hozten utzi.

AHOLKUAK

• Marrubiak azkar pasatzen dira eta oinarria bigundu; beraz, egunean jateko pastela dugu.
• Azukre kantitatea moldagarria da, bakoitzaren osasun eta beharren arabera.
• Pastel, laranja edo limoi krema erabil liteke betetzeko.
• Gainetik distira eman eta kontserbatzeko berriz, gelatina mota desberdinak, almibarrak edo marmeladak erabil ditzakegu.