Sukaldaritza liburua/Errezetak/Txerri solomo betea

TXERRI SOLOMO BETEA

MAHAIKIDEAK: 4

OSAGAIAK

• Oliba olio birjina: 75 ml.
• Tipula: 1 lerro erditan.
• Azenarioa: 1 lerro erditan.
• Pipermorro gorria: 1/2 lerro erditan.
• Piper berde italiarra: 1 lerro erditan.
• Belarri landu perretxikoa: 100 g. lerro erditan.
• Gatza.
• Piperbeltza.
• Txerri solomoa: 600 g.-ko 2 trontzo.
• Hirugiharra: 200 g. xerra finetan.
• Ardo zuria: 150 ml.
• Salda iluna: 400 ml.
• Arto irin findua: 15 g.

PRESTAKETAK

• Jarri zartagin zabal bat, erdian olioa duela, sutan.
• Zartagina bero dagoenean, gehitu barazki eta perretxikoak. Erregosi 5 minutu inguru, barazkia ongi bigundu arte; amaieran gatzarekin ondu.
• Solomo zatia puntazorrotzarekin garbitu ( soberako koipeak eta nerbioak ) pitin bat. Ondoren, aizto zorrotz bat erabiliz, xerra luze bat egin, haragia barrurantz moztuz, zentimetro 1 edo 2 cm.-ko lodiera duena. Ahalik eta xerra luzeena egin. Ondoren xerra luze hauetako bakoitza, zabalean, erditik moztu.
• Horrela ba, 15 cm. zabalera eta 15 cm. ( xerraren loditasunaren baitan ) luzera inguru duten 4 xerra lortuko ditugu. Xerra hauek erretilu batean zabaldu.
• Gatz eta piperbeltzarekin ondu ondoren, hirugihar geruza batekin estali txerri solomoa eta honen gainean, barazki eta perretxikoak zabaldu.
• Kiribildu zilindro moduko bat osatuz.
• Lotu listariarekin.
• Gatz eta piperbeltzarekin ondu ondoren, labeko erretilu batean jarri. Olioarekin igurtzi eta ardo zuriarekin busti ondoren, 200ºC-tan labera sartu 15 minutuz.
• Denbora hori pasatutakoan, erretilua labetik atera eta haragi zatia gorde. Haragi saldarekin berriz, erretilua busti eta itsatsita dagoen zukua berreskuratu.
• Zuku hau iragazi eta berriro irakiten jarri, ondoren uretan disolbatutako arto irin finduarekin saltsa dentsitatea eman.
• Amaitzeko, haragi zatiari hariak kendu, eta 2 edo 3 zentimetrotako xerretan moztuta edo bere horretan , saltsarekin gainetik busti.

AHOLKUAK

• Betegai moduan, arrautza gogortu osoa erabiltzea klasikoa da, polita geratzen bada ere oso lehorra nire iritziz.
• Patata purea, sagar purea, barrengorri salteatuak, onddo erregosiak, onddoak plantxan izan litezke lagungarri bikainak.
• Haragia moztu aurretik, epeltzen utzi.