Sukaldaritza liburua/Gozogintza/Pasta lehorrak

Wikibookstik

Pastak pieza txiki gozoak eta lehorrak dira. Jeneralean, azkenburukoetan edo kafetan jaten dira. Pasta hauek egiteko orea, pastelen oinarriak egiteko ere erabil daiteke.

Irina, arrautza, azukrea eta gurina edo esnekia dira pasten orea egiteko oinarrizko osagaiak. Oinarrizko osagai hauei pasta motaren arabera, beste osagai batzuk ere gehitzen zaizkie: fruitu lehorrak, fruitu azukreztatuak, txokolate estalkiak, koko birrindua, osagai lurrintsuak….. Pasta gozoek ez dute legamiarik eramaten.

Pastak egiteko irina ahula edo erdi mailakoa izango da, inoiz ez irin indartsua. Gehiegi oratzen ez denez, azukrea, jeneralean, hauts eginda gehitzen zaio. Pastak egiteko koipe gisa gurina edo txerri gantza erabili izan da. Arrautza osoak edo gorringoak bakarrik erabiltzen dira.


Euskal pastela, pasta orearekin

Pasta bigunak[aldatu]

Mahukarekin edo koilare batekin zabaltzen diren oreak dira.

  1. Katu mingaina
  2. Mahuka pastak
  3. Teilak
  4. Tulipak
  5. Zitriko pastak

Katu mingaina[aldatu]

Pasta lehorrak dira, normalean, gorringo baino zuringo gehiago izaten dutelako.

Mahuka pastak[aldatu]

Mahukarekin zabaltzen den pasta dugu eta modu askotara erabili daitezke.

Teilak[aldatu]

Arbendola oinarri duen orea da. Hoztu ondoren, oso hauskorra, eta horregatik, hoztu aurretik forma eman beharrekoa.

Tulipak[aldatu]

Habia forma duen pasta fina dugu. Beste prestaketa batzuetan oinarria izan daiteke, izozkiarena adibidez.

Zitriko pasta[aldatu]

Zitrikoen zukua erabiliz, pasta hauek zapore oso berezia hartzen dute.

Pasta lehorrak[aldatu]

Oinarrizko pasta orea

Ore lehorrak eta gorputz handikoak izaten dira; arrabolarekin luzatu eta moztu daitezke.

  1. Sabelux orea.
  2. Arbendola duen sableux orea.
  3. Sableux bretoi orea.
  4. Flora orea.
  5. Crumble pastak.
  6. Olo gailetak.
  7. Polboroiak
  8. Mantekaduak

Sableux pasta[aldatu]

Sukaldaritzan pasta hau gazia erabil daiteke, bereziki tartaletak edo Quicheak egiteko, azken kasu horretan gozogintzarako azukrearekin onduta erabiltzen da. Testura trinkokoak eta hoztean gogorrak, arrabolarekin luzatzen dira. Te pastak edo pastelen oinarriak egiteko erabiltzen den gaileta ore lehorra.

Arbendola duen Sableux pasta[aldatu]

Testura trinkokoa eta hozterakoan gogorra geratzen da, arrabolarekin luzatu behar izaten da. Ohiko Sableux orearen berdina baina aldaketa bakarra arbendol hautsa gehitzen zaiola oreari. Erabilerak ere berdinak izango dira.

Flora pasta[aldatu]

Testura trinkokoa eta hoztean gogorra geratzen den orea, arrabolarekin luzatu behar dena. Pastak, edo pastel desberdinen oinarriak egiteko erabiltzen den gaileta ore lehorra. Espainian du oinarri eta gurina erabili beharrean txerri gantza erabiltzen da. Hala ere, gaur egun, gurina ere erabiltzen da errezeta hau egiteko.

Crumble pastak[aldatu]

Pasta oso lehor bat da bi behatzekin indar eginez gero erraz desegiten dena. Bere horretan te pasta moduan jaten da edo deseginda azkenburuko platerak edertzeko ere erabil daiteke. Errezeta honetan kontraste puntu bat emateko Maldon gatza ere erabiltzen da.

Olo gailetak[aldatu]

Oloaren malutak erabiliz gero, ore honi testura oso kurruskaria emango dio.

Gozogintzako pasta errezetak[aldatu]